image description image description image description image description image description

JIKÏL NUPWAQ

Nqanimaj chi ri samaj nib’an kik’in ri winaqi’, ri pwaq tajin nikisäx kik’in ri winaqi’ janila k’atzinel pa ruwi’ etamab’äl pa ruwi’ tz’ib’anïk chuqa’ richin manäq ta chik yejech’ux kan ri winaqi’.

JIKÏL NUQ’UTU’N

Nqaqasaj ri meb’a’il chuqa’ ri k’ayewal pa taq tinamït; yojsamäj pa ruwi’ k’ayewal kilon ri winaqi’ richin nkïl ri k’atzinel utziläj taq kiq’utu’n toq nk’atzin chi ke.

JIKÏL NUTIJONIK

Ri ach’alalri’ïl tiketamaj tikich’ojij chi k’atzinel yeb’e pa tijob’äl chuqa’ k’o chi k’atzinel richin yeb’e, yek’oje’ k’a nkik’is, nkich’äk na ri ruk’u’x tijonem rik’in jun retal rusamaj ruch’akon chupam ronojel ri tijonïk.

JIKÏL NUWAYB’AL

Yeqato’ ri winaqi’ ri nkiq’axaj meb’a’il, (crisis/k’ayewal), yab’íl, ch’aqa’ chik k’ayewal pa kik’aslem ri man nuya’ ta q’ij nkïl kiwa’im.

XTANI’ ALAB’ONI’ K’WAYÖL TAQ B’EY

Re jun samaj pa ruwi’ tijonïk, jun chik tijonïk ri nkik’ul ri tijoxela’ pa taq tijob’äl richin ri Ruchitüy tijonïk chuqa’ niya’ tijonïk pa taq ch’aqa’ chik nimajay ri e k’o pa taq tinamït.

SAMAJ NUK’UN PA RUWI’ RI JIKÏL NUQ’UTU’N

Tikirel nanojisaj ri wuj, tawokisaj ri pitz’b’äl ri k’o pa awajkiq’a’.

We nawajo’ yak’oje’ chupam re jun rucholajem samaj re’, tatz’ib’aj ronojel ri nk’utux chawe chupam ri wuj.

!
descrtiption

WINAQI’


  1. Winaqi’ ri e k’äs pa ruq’a’ taq tinamït chuqa’ ri e k’äs chuchi’ rutinamital ri Iximulew, re winaqi’ re manäq ya’on ta kito’ik.
  2. Ri te’ej manäq kachijil ta, ri te’ej ri k’a majani 20 kijuna’, ixoqi’ ri koyob’en ak’wal chuqa’ ri ixoqi’ nkiya’ kitz’um ri ak’wala’.
  3. Nimawinaqi’ ri ik’owinäq chuwäch ri 65 kijuna’, winaqi’ ri man tz’aqät ta kich’akul, kinojb’al chuqa’ winaqi’ ri yalan kiyab’il.
  4. Winaqi’ ri e k’o chuwäch ri k’ayewal rije’ nkajo’ chi niya’ kito’ik.
descrtiption

SAMAJ PA
Q’UCH

  1. Runojisaxik ri wuj, rutz’ib’axik ri qitzij rutzijol pa ruwi’ ruk’aslem ri winäq, ri retal kiq’a’, wachib’äl chuqa’ ronojel re tzij ri k’o chupam ri ruwujil.
  2. 2. Ruwachib’al ri kiwujil akuchi’ tz’ib’an kib’i’ ri ak’wala’ ri k’a majani tz’aqät kijuna’, ralib’al runuk’ (código) ri tijob’äl akuchi’ nkitijoj ki’ ri ak’wala’ chuqa’ ri runu’k’ (código) ri ya’on chi ke ri ak’wala’ pa tijob’äl.
  3. Ruk’uluxik jun peqës q’utu’n, re niya’öx pa jun jay ri jikib’an chupam ri iwuj ri xtiya’öx chiwe.
  4. Pa rub’eyal tawokisaj ri sipanïk niya’ chawe chuqa’ k’atzinel yak’oje’ pa taq tijonïk chuqa’ richin nawetamaj jalajöj taq pixa’.
descrtiption

NIMARAYB’ÄL

Ruya’ik kito’ik ri ach’alalri’ïl ri e k’äs pa ruq’a’ taq tinamït ri manäq ya’on ta kito’ik, kilon k’ayewal rik’in ri kiwa’im, rije’ xtiya’ apo kiq’utu’n, xtiya’ apo jalajöj taq tzijonem pa ruwi’ pixab’anïk chuqa’ xtiyak kuchuq’a’ ri ixoqi’.

descrtiption

CH’UTAQ RAYB’ÄL

  1. Rujaqik rub’ey richin nkisamajij ri kich’ojib’al ri winaqi’ ri e k’o chuwäch ri meb’a’il richin chi niya’ kito’ik pa ruwi’ ri kiwayb’al.
  2. Ketijöx ri winaqi’ ri e k’o chuwäch ri meb’a’il richin chi nkik’ül ri etamab’äl k’a ri’ nb’ekisamajij kik’in kach’alaj chuqa’ pa taq tinamït.

PA RUWI’ RUB’EYAL RI SAMAJ

JIKÏL NUQ’UTU’N

Re jun samaj re’ ruximon ri’ rik’in rusamaj ri chanpomal richin chi niqasäx ri meb’a’il chuqa’ ri k’ayewal ye’ilitäj pa ruq’a’ taq tinamït, chuqa’ ruya’ik utziläj taq q’utu’n chi ke ri winaqi’. Rub’eyal ri samaj chi man jantape’ ta xtiya’öx apo ri q’utu’n, re to’ïk re’ chi taqäl xtiya’ apo chi ke ri winaqi’ ri kilon meb’a’il, k’ayewal chuqa’ chi ke ri winaqi’ ri e k’o pa taq ruq’a’ tinamït richin ri Iximulew. Chuqa’ xtiya’ chi ke ri winaqi’ ri man e tz’aqät ta, chi ke rijita’q taq winaqi’ ri majun achike yechajin kichin manäq kach’alal ta, k’ayew nub’än chi kiwäch richin nkïl kiway. Re to’ïk re’ nukanoj rub’ey richin yeto’öx winaqi’ ri kilon meb’a’il chuqa’ kilon k’ayewal pa taq tinamït chuqa’ niya’ chi ke ri koköj ak’wala’, ri xtani’ alab’oni’ ri k’a ri’ tajin yek’ïy; ixoqi’ koyob’en ak’wala’ chuqa’ ixoqi’ ri nkiya’ kitz’um kal; chi ke rijita’q winaqi’, chi ke ri yawa’i’ chuqa’ ri man e tz’aqät ta. Chuqa’ niya’ kito’ik ri winaqi’ ri xchaqi’j kito’n, ri jäb’ xukamisaj ri tiko’n, k’o k’ayewal ri xa nuq’ät richin nkib’än kitiko’n chuqa’ ch’aqa’ chik taq k’ayewal, re nuya’ k’ayewal pa ruwi’ kiway ri winaqi’.

Achike ri xtisipäx

      10 etab’äl kinäq’
      10 etab’äl mutz’ixim
      1 leme’t yaq’anal
      5 etab’äl ruk’ajil ixim
      2.2 etab’äl q’or mox
      3 etab’äl q’or ri k’o ruchuq’a’
      1 etab’äl ruk’ajil rutz’umal wakx
      2 etab’äl atz’am
      5 etab’äl kab’


TAQ WACHIB’ÄL