image description image description image description image description image description

JIKÏL NUPWAQ

Nqanimaj chi ri samaj nib’an kik’in ri winaqi’, ri pwaq tajin nikisäx kik’in ri winaqi’ janila k’atzinel pa ruwi’ etamab’äl pa ruwi’ tz’ib’anïk chuqa’ richin manäq ta chik yejech’ux kan ri winaqi’.

JIKÏL NUQ’UTU’N

Nqaqasaj ri meb’a’il chuqa’ ri k’ayewal pa taq tinamït; yojsamäj pa ruwi’ k’ayewal kilon ri winaqi’ richin nkïl ri k’atzinel utziläj taq kiq’utu’n toq nk’atzin chi ke.

JIKÏL NUTIJONIK

Ri ach’alalri’ïl tiketamaj tikich’ojij chi k’atzinel yeb’e pa tijob’äl chuqa’ k’o chi k’atzinel richin yeb’e, yek’oje’ k’a nkik’is, nkich’äk na ri ruk’u’x tijonem rik’in jun retal rusamaj ruch’akon chupam ronojel ri tijonïk.

JIKÏL NUWAYB’AL

Yeqato’ ri winaqi’ ri nkiq’axaj meb’a’il, (crisis/k’ayewal), yab’íl, ch’aqa’ chik k’ayewal pa kik’aslem ri man nuya’ ta q’ij nkïl kiwa’im.

XTANI’ ALAB’ONI’ K’WAYÖL TAQ B’EY

Re jun samaj pa ruwi’ tijonïk, jun chik tijonïk ri nkik’ul ri tijoxela’ pa taq tijob’äl richin ri Ruchitüy tijonïk chuqa’ niya’ tijonïk pa taq ch’aqa’ chik nimajay ri e k’o pa taq tinamït.

SAMAJ NUK’UN PA KIWI’ RI XTANI’ ALAB’ONI’ K’WAYÖL TAQ B’EY

Tikirel nanojisaj ri wuj, tawokisaj ri pitz’b’äl ri k’o pa awajkiq’a’

We nawajo’ yak’oje’ chupam re jun rucholajem samaj re’, tatz’ib’aj ronojel ri nk’utux chawe chupam ri wuj.

!
descrtiption

WINAQI’

  1. Ak’wala’ ri k’a ri’ tajin yek’ïy chuqa’ xtani’ alab’oni’ ri k’o 12 k’a 24 kijuna’, ruma rije’ ejech’un kan pa kitinamit, kilon meb’a’il chuqa’ nkïl k’ayewal kik’in ch’aqa’ chik winaqi’.
  2. Niya’ chi ke winaqi’ ri e k’äs pa taq tinamït ri e k’o chi runaqaj akuchi’ niya’ to’ïk.

 

descrtiption

SAMAJ PA
Q’UCH

  1. Ri winaqi’ k’atzinel nkitijoj ki’ richin nketamaj jalajöj taq etamab’äl.
  2. Pa rub’eyal rokisaxik ri jay akuchi’ nisamajix ri samaj.
  3. K’atzinel rub’eyal ri samaj ri yejikib’äx richin nkiq’i’ ri rayb’äl.
  4. 4. K’atzinel nijotayin ronojel ri nketamaj ri winaqi’, richin niq’at chuwäch ri oyowal ri nkitzu’ apo pa kik’aslem ri xtani’ alab’oni’.
descrtiption

NIMARAYB’ÄL

Ruya’ik to’ik pa ruwi’ ruqasaxik k’ayewal ri nkitzu’ apo ri xtani’ alab’oni’ ri kilon meb’a’il, k’atzinel niya’ kito’ik richin nik’iy ri jalajöj ruwäch ketamab’al, chuqa’ tikib’ana’ jalajöj taq samaj toq k’o jub’a kiramaj.

descrtiption

NIMARAYB’ÄL

  1. Titz’uk samaj richin niya’ kito’ik ri xtani’ alab’oni’.
  2. 2. Runuk’ik samaj pa ruwi’ ch’aqa’ chik tijonïk richin nujäq kib’ey ri xtani’ alab’oni’ chuqa’ tikijalwachij ri k’ayewal rik’in ri utziläj taq samaj chuqa’ richin nkitz’uk k’ak’a’ taq na’oj pa ruwi’ rub’eyal ri qitzij kib’anob’al.

PA RUWI’ RI SAMAJ

XTANI’ ALAB’ONI’ K’WAYÖL TAQ B’EY

Re jun chik samaj ri yeb’an pa taq tijob’äl richin ri Ruchitüy Tijonïk chuqa’ pa ch’aqa’ chik taq tinamït. Ri rayb’äl najowäx richin niya’ kiq’ij ri winaqi’ ri yekitz’uk k’ïy ruwäch taq etamab’äl, ri ye’etz’an, ri nkib’än jalajöj taq samaj pa taq tinamït chuqa’ pa ruwi’ ri b’anob’äl ja re’ k’o chi nketamaj ri xtani’ alab’oni’ ri k’a ri tajin yek’ïy; chuqa’ ninïm pa kik’aslem, ri ojer taq na’oj ri ruximon ri’ rik’in rutunuxik ri ach’alalri’ïl, ri samaj pa q’uch, ri ajowab’äl chi kikojol ri winaqi’, ri to’ïk chi kikojol ri winaqi’ chuqa’ jun tik’asäx k’aslemal chuqa’ ch’aqa’ chik utziläj taq b’anob’äl.

Ruk’iyirisaxik jalajöj taq samaj pa ruwi’ ch’aqa’ chik tijonïk, ri tijonïk niya’ pa taq ruk’isib’äl q’ij chi re jun wuqq’ij, richin chi ri xtani’ alab’oni’ nkinuk’ pa kik’aslem ri ketamab’al, ruma k’atzinel nijotob’äx kik’u’x richin niya’ kuchuq’a’ ri jalajöj taq ketamab’al; richin yek’oje’ kik’in ri kach’alal chuqa’ pa kitinamit.

FOTOGRAFIAS